एक और जीत सच्चाई की| ek jeet our sachhai ki kahani |Shahukar ki bahu

               Ek jeet our sachhai ki Kahani

एक जीत और सच्चाई की कहानी । ek jeet our sachhai ki kahani |Tec India Sandeep |Shahukar ki bahu

Kuchh logon ko bachpan se hi kahaniyan padhne or sunne ka shouk hota he jaise main . Mujhe bhi he main bachpan se hi kahaniyan ka bahut shoukin hun . Jab main apne nanaji ke sath hota tha to unse kahani sune bina mujhe neend nahi aati thi. Mere nanaji bahut hi interesting kahaniyan sunate he. Tabhi se mujhe kahaniyan sunne or sunane me bahut intereste he. Shayad aapko bhi kahaniyan sunne , padhne ka shouk hoga. Aaj main aisi hi ek jabardast interesting kahani aapke samne pesh kar raha hun. Jiska name he “Ek jeet our sachhai ki kahani” Ummed karunga aapko bahut pasand aayegi.

Namaskar mitron main aapka mitra Sandeep Bhorse Swagat karta hun aapka Apne blogger website Tec India Sandeep Me.  Main is website me Technology, blog, online paise Kaise kamaye, kahaniyan , education and health se sambandhit jankariyan regular provide karte rahta hun. Aaj ki hamari kahani ka tittle he “Ek jeet our sachhai ki kahani” Chaliye Shuru Karte Hain ek new Kahani.

     Ek jeet our sachhai ki

     Introduction

      Shahukar                   = Ramjilal
      Shahukar ki bahu     = Laxmi
      Shahukar ka beta      = Vikram
      Shahukar ka samdhi = Natthuram .

Kisi gav me Ramjilal name ka   ek shahukar apne bete Vikram ke sath raha karta tha. Vikram ki Maan pachpan me hi vikram ko chhod kar swarg sidhar gai . Shahukar ne koi doosri shadi nahi ki or vikram ko bade hi laad or pyaar se pala tha. Shahukar ek bahut hi achha or nekdil aadmi tha. Usne Apne bete ko apni Tarah Sanskar Diye. Uska beta bhi Usi Ki Tarah samajhdar aur Mehandi tha. Shahukar ka beta Jawan Ho Chala tha. Isiliye Uski ichcha thi Ki jaldi se jaldi Apne bete ki shaadi Karade aur Wo free ho jaaye. Aur apne Paas ke Ek Gaon Mein Ek Ladki apne bete ke liye  Pasand Kar Rakhi thi. Ek Din Shahukar  ne Apne bete ko pass bulakar Baitha aur usne apni baat Uske Samne Rakhi.

Safalta Ka mool Mantra

Guru Ki Mahima

       Vikram ki shadi ki charcha. 

Shahukar : Beta aaj maine tumhe apni dil ki baat kahne ko bulaya he . Or Mujhe tumhari ichha bhi janni he.

Vikram : Boliye na babuji kya baat he ?

Shahukar : Beta ishwar ki kripa se sab kuchh achha he , hamare paas jameen he jaydad he, jiska tu akela varish he. Ab main soch raha tha ki…….

Vikram : Bataiye babuji kya baat he ? Kya chal raha he aapke man main?

Shahukar : Beta main soch raha tha ki kyun na ab tu shadi karke apna ghar basa le. Teri shadi ki bhi umra ho gai he.  Yadi tere man me koi Ladki ho jise tu pasand karta he to mujhe bata. Main kal hi teri baat karne Chala jata hun.

Vikram : Babuji bas itni  si baat ?  Mere man me koi nahi he. Lekine itna jaldi kyun Babuji ?

Shahukar :  Dekho beta Tumhari maa ke jaane ke bad Ye Ghar Suna sa ho gaya tha Lekin Tere Sath rahakar Mujhe Teri maa ki Kami mahsus Nahin hui . Har man Baap ka Ek hi Sapna Hota Hai ki wo Apne bacchon ki Parvarish karne ke bad Unki acche se shaadi kar de. Maine  Teri Parvarish to jaise taise Kar di Hai ab shaadi karna Baki aur Rah gaya hai . Tu To Jaanta hai Ki Ab main bhi budhape ke ghere me aa Gaya Hun . Isliye Sochta Hun Kyon Na Mere jite ji jaldi se teri shaadi kar Dun aur apne kaam se Mukt Ho jaaun.

Vikram:Thik hai babuji jaisi aapki marji .

Shahukar : main kal hi teri baat karne jaa raha hun tu agar Chahe to Mere sath chal sakta he.

Vikram : Nahin babuji jo aapki pasand  wo hamari pasand,  aap baat kar lijiye.

Shahukar: Thik he beta koi baat nahi….

     Natthuram ke ghar shahukar ka aagman

Doosre Din Shahukar  gav ke 4-5 logon ko sath me Lekar padosh ke gav me ladki ka haath mangne gaya.

Gav pahunchne ke baad sabhi log Ladki ke ghar pahunche . Ladki ke papaji ka name natthuram tha wo raamjilala kaparam mitra tha . Sabhi ne ek doosre ko pranam kiya , Ladki paani Lekar doudi sab ko paani pilaya . Natthulal ne sabhi ko aadarsh poorvak baithaya or gav ka haal poocha .

Ramjilal : prabhu ki kripa se sab kushal mangal he . Aap bataiye aap log kaise he ?

Natturam: sab achha he bhai .aap bataiye itne dino ke baad aaye ho apne mitra ke ghar ka rasta bhool gaye the kya ? Vikram kaisa he ? Aaj kal  kya kar raha?  Or kya baat he bhai aaj to aap apni poori fouj hi Lekar aa gaye ho ?

Shahukar : are nahi bhai nahi ye kya bol rahe ? Hum yahan Kuchh lene Aaye he lekin pata nahi aap Hume doge bhi ya  aise hi bhaga doge. Aisa majak me muskurate huye bola.

Natthuram : Ek baar maang kar to dekho ye tumhara mitra na de tab kahna. Lekin 4-5 log ek sath aisi Kon si cheej he bhai Hume bhi to batao.

Shahukar : kaise bataun mere yr bolne ki itni himmat bhi to hona chahiya.
Itne me sath wala bol utha shahukar jii ki to himmat bachi nahi he to hum hi kah dete he….

Shahukar : nahi nahi ye baat to main hi kahunga….. darasal baat Ye he ki mujhe aapki bitiya rani pasand he to  main usko apni bahu banana chahta hun. Yadi aapki ichha ho to…

Natthuram: kya raamjilala tu bhi na …. isme itna soch ne ki kya baat he tune to Mere dil ki baat kah di meri bitiya ne koi achhe  karm hi kiye honge jo tere ghar ki bahu banegi.
Ladki bahut hi sundar , gudwan, or samajhdar bhi thi uske andar ek kala or bhi thi jiske baare me uske alawa koi bhi nahi janta tha or wo kala ye thi wo Kisi bhi pashu ho ya pakchhi unki bhasha ko bakhoobi janti thi .
Ramjilal or natthuram ki baat pakki ho gai Ramjilal ke sath Aaye logon ko bhi bahut achha laga . Natthuram ne sabhi ki joron shoron se mehman nawaji ki.

Ramjilal : achha mitra ab Hume ghar ki or chalte he vikram bitwa intjaar kar raha hoga.

Natthuram : Thik he kahkar sabhi ko aadar poorvak wida kiya .
Ab sabhi wahan se ghar ki taraf rawana ho jate he. Sabhi ne natthuram ki badi charcha ki tarif ki .baaten karte karte gav pahuchh gaye .

      Vikram ki shadi

Gav me bhi vikram ki shadi ki khoob charcha hui. Jaldi shubh muhurt niklwakar shahukar ne shadi bhi kar di.bade hi dhoom dham se shadi hui vikram ki…. Tarah  tarah ke pakwan  bane jalebi,  gulabjamun, jalebi, or khana bhi swadist bana gav ke logon ne ,mehmano ne khoob pet bhar kar khaya khoob tarif ki . Shahukar ne bhi jitna ho sake apni taraf se full kosish ki shadi me char chand lagane ki . Vikram ki shadi sampann hoti he bahu ko ghar par laya jata he.
Shadi hone ke baad shahukar ko bada sakun mila wo  bahut khush tha . Soch raha tha ki vikram ki Maan hoti to kitna khush hoti.  Sab kuchh vikram bhi aisi Sanskari or gudwan patni pakar bahut khush tha. Lekin kahte he na jab tak ghar par bartan na baje ghar walon ko chain nahi aata . Ek Din aisa huaa ki is hariyale – khilte pariwar me  ganth ban gai.

       Laxmi ka ek kouve se milna

Ek Din Shahukar ki bahu nadi me paani bharne gai. Pani bhar kar wapash ghar jaane ke liye jaise hi mudi achabak wahan ek kouaa aa baitha . Or kav – kav karne laga. Kouaa kah raha tha…..

Kouaa : Kav-kav-kav jo bhi hamari bhasha ko janta samajhata baniyadam ho ham par daya kar de … nadi me bah rahi laash ko bahar nikal de to humari bhook mit jaye .
Shahukar ki bahu kouve ki baat Jaan gai uske man me kouve ke prati daya ki bhawana jaag uthi . Usne paani se bhare  ghade ko neeche rakh diya or dekha to  kouaa sach kah raha tha . Nadi par ek raja ki lash (shav) tair rahi thi. Usne raja ki lash ko bahar nikala or dekha to wo dekhte hi rah gai . Raja ke kapdon par reshmi pakke dhagon me moti jade huye the jo bilkul ashli the. Pahle to usne motiyon ko nikalne ki poori kosish ki,  dhage ko todna chaha lekin ispar wo nakam rahi phir usne Apne daaton se resham ke dhagon ko todne lagi . Itne me ek mahila ne use yah sab karte dekh Liya,  Uski aankhe fati  ki fati rah gai , wo buri  tarah ghabra gai . Bas Fir kya tha  yahin se shahukar ki bahu ki ulti ginti chalu ho gai. Usne ghar jakar vikram se kah diya….

Mahila : haafte huye vikram -Vikram  tune kaisi bahu laya re , tu jaise Rahta he uske sath …

Vikram : kya huaa chachi ? Itna ghabrai hui kyun ho aap ?

Mahila: pahle nadi me jakar dekh teri patni kya kar rahi hi …

Vikram : aakhir huaa kya he chachi batao to ….?

Mahila : Maine abhi abhi teri patni to ek laash ke samne dekha he . Wo us lash ko kha rahi he….
Yah sunte hi vikram ki to jaise pairon take jameen hi khisak gai.

Vikram : Ye kya kah rahi ho chachi ? Janti bhi ho aap kya kah rahi ho ?

Mahila : yakin nahi aata to khud jakar apni aankho se kyun nahi dekh leta .
Vikram doud kar nadi ki taraf badta he , nadi me pahuch kar wo bhi ye drashy dekh kar dang rah jata he…. ab to wo buri tarah se toot jata he . Or wapas ghar aa jata he…. Ye baat poore gav me aag ki tarah fail jati he. Thodi hi der me moti lekar ghar pahunchti he…
Ghar par charon or taraf sannata chhaya huaa tha. Pati ke chahre par udasi chhai hui thi. Uske bolne par bhi vikram ne Kuchh nahi bola. Shahukar ki bahu ne andar andar ke kamre me jakar apne pallu se chhodkar sare motiyon ko aalmari me rakh di or tala laga deti he . Ab wo bathroom me nahane chali jati he . Thodi der me sarpanchh ke aadesh se char log ghar par aa jate he. Vikram ko sathh me Lekar panchayat  pahunchte he. Panchayat me gav ke log meeting ke liye ikattha huye the. Koi nahi jante the kya hone wala he ? Sabhi tarah tarah ki charcha kar rahe the.

     Panchayat me meeting .

Sarpanch : Vikram bataiye humne jo suna he kya wo sach he ? Aaj humare paas tumhari patni ki Kisi ne sikayat ki he jo ki bahut galat he . Aap bhi nadi gaye the,  aapne kya dekha wahan par , kya aap apni patni ki safari me Kuchh kahna chahoge .

Vikram : nahi me sir hila deta he .
Vikram kahta bhi kya bechara uska to sharm  ke maare bura haal tha .

Kisi ne ghar khet jakar shahukar ko ye khabar di . Shahukar se ek pal bhi raha nahi gaya wo bhi jaldi hi ghar pahuncha  lekin apni bahu Kuchh bhi nahi kaha. Wo ghar se  seedhe panchayat  gaya. Jab shahukar se puchha gaya to …

Shahukar : mujhe apni bahu par poora bharosha he wo aisa kabhi nahi kar sakti. Uske upar  lagaye huye iljam jhoote he.

Ek panch: To kya jo mousi kah rahi he he wo jhoot he ?  Tumhare bete ne apni aankhon se dekha wo bhi khoot he ?

Shahukar : kabhi – kabhi aankhon dekha bhi jhoot ho jata he .

Sarpanch : Kya aapke paas koi saboot he jisse aap apni bahu ko begunah  sabit kar sako. Kyun shahukar jii panchayat sirf tark par nahi pramand par bharosha karegi.

        Laxmi ko jaat biradri se bahar Kyon kiya.

Shahukar : Iska sahi nirnay to bahurani ke aane ke baad hi hoga . Aapne usse to Kuchh puchha hi nahi or bekar me uspar jhoothe  iljam laga rahe he.

Sarpanch : Vikram ki patni ko bulaya jaye.
Sarpanch ke aadesh se vikram ki patni ko bulaya jata he . Use to ye bhi pata nahi hota he ki panchayat me meeting kis baat ki ho rahi he. Jaise hi shahukar ki bahu panchayat par pahunchti he sabhi log vikram ki patni ki or dekhne lagte he .

Sarpanch : Kya aapko pata he aapke upar ek lash khane ka aarop lagaya gaya he?

Laxmi : jii nahi.

Sarpanch : Kya aapke upar lagaya huaa aarop sach he ?

Laxmi : mujhe aisa karte huye kisne dekha kya Iske liye panchayat ke paas koi thosh saboot he .

Sarpanch : hamar paas he iska saboot  wo chhodo Beti aap apne pati se hi poochh lo.
Laxmi ne aapne pati ki taraf dekha to uska sir jhuk gaya . Laxmi ko Uski khamosi ka matlab samajh aa Gaya.  Ki uske pati ko bhi ab yahi galatfahmi he.

Laxmi : Mere liye Mere pati hi bhagwan he . jab bhagwan ko hi mujh par bharosha na raha . To mujhe apni safai dekhe ka kya laabh.  Laxmi khamosh rahti he . Yadi wo motiyon ke baare me bata bhi deti to kya fayda kyun ab to uske sasur ka sir jhuk chuka tha or pati ko bhi us par se vishvash uth gaya he.
Lekin sach to sach hota he ek na ek Din sab ke samne aa hi jata he …..

Sarpanch : Shahukar jii ab aap kya kahna chahenge?

Shahukar : Khamosi se sir khuka leta he . Aisa uske jiwan me pahli baar huaa tha . Lekin usko Fir Bhi apni bahu par poora bharosha  tha . Kyun ki laxmi ne khud ye nahi kaha ki wo galat he or usne lash ko khati he.

Panch :  sarpanch jii  hamare gav me jo huaa he wo aaj tak nahin huaa he . Yadi laxmi yahan rahti he to Thik he lekin wo Kisi ke sath vyavar rakhegi to iska samaj par bura asar hoga . Samaj par galat prabhav padega . Isliye ise biradri se bahar kar diya jaye.

Panchayat me Aaye huye logon ki bhi isi baat par haan thi . Panchayat ka antim faisala huaa….

Sarpanch: aaj se laxmi ko is jaat biradri se bahar kiya jata he  or yadi uske parivar me koi usse sampark rakhata he to use bhi biradri se bahar kar diya jayega.
Laxmi ko bina  galti ke ye saja mil gai. Ab sabhi log apne apne ghar Chale jate he . Gav me abhi bhi charcha kam nahi hui thi . Jab bhi nadi me char mahilaye paani bharne jati to laxmi ki burai karti . Jo huaa achha huaa . Aise logon ke sath aisa hi hona chahiye.

       Panchayat ki khabar natthuram ke ghar.

Ye khabar jab shahukar ke samdhi ke paas pahunchi to wo apni Beti se milne Chala Aaya.  Shahukar ne sara haal bataya. Sabkuchh sunne ke baad ….

      Laxmi ki shahukar se bidai

Natthuram : Dekho mitra mujhe aapse koi sikayat nahi he main nahi chahta ki meri Beti ke yahan rahne se aapki our beijati ho isliye chahta hun ki main ise yahan se sath me Le jaun.  Aakhir Beti to meri hi he .
Shahukar ko na Chahte huye bhi haan bharna pada. Lekin unke sath wo bhi gaya .
Ab dono samdhi laxmi ko Lekar uske gav ki taraf rawana ho jate he.

      Laxmi ko Giddh Ne Diya apaar dhan.

Raste me Ghane bargad ka ped Milta Hai Jiski chhavn bahut ghani thi .Socha Kyon Na thodi der Yahan Vishram kar liya jaye. Teeno bargad ke ped ke neeche aaram se  baith Gaye. Donon Sandhi aapas Mein baten karne lage Unki mitrata mein abhi Bhi Koi Antar nahin tha . Panchayat me  jo Kuchh Bhi hua isase unhen aur Unki dosti mein koi bhi Fark Nahin Pada.  Dono baatain hi kar rahe the ki Achanak Ek giddh Wahan aakar  baith gaya jo bahut salon se bargad ke ped me raha karta tha wo boodha ho chuka tha . Raste se aane jaane wale rahgeeron ko apni baat kahta lekin koi bhi uski baat nahi samajh pata aisa hi usne raamjilala or natthuram ke sathh kiya. Giddh Ne cheekhte huye wahi Baat inke Samne Bhi Rakhi….

Giddh : Jo Bhi Meri Baat Ko Janta samajhta vyakti Ho Wo Meri Baat Dhyan se sunen…..

Laxmi : Haan main samajhh sakti hun aapki bhasha . Boliye…..

Giddh : Beti  main ab Budha ho chuka hun is vajah se Apna pet bharane mein asamarth hun.

Laxmi :Bataiye giddh baba main aapki kya madad kar sakti hun .

Giddh : Beti is ped Ke Niche a Maya ke sath Ghode Rakhe hue hain. lekin ismein ek baat Aur bhi hai ki Yahan bahut hi bhayankar Kala Nag rahata hai. yadi aap log use Maar ke bahar fenk De to main use khakar Apne pet ki Bhookh Mita Lunga aur sadaiv aapka aabhari rahunga.
Aur niche Rakhe Maya ke sath Ghode Jo Mere Kisi kam Ki Nahin unhen aap nikal kar Rakh Lijiye aur Apna Jivan-yapan Sukoon se bitaiye.  Itne me shahukar bol utha…..?

Shahukar : Babu Akela Akela kis se baat kar rahi ho?

Laxmi : Babuji mein Pashu aur pakshiyon ki Bhasha ko bahut acche se  Janti hun. Unki Kahi Hui Har Baat Ko acche se samajh Leti hun main is giddh se baat kar rahi hun yah giddh Baba ka kahna   hai is ped Ke Niche Maya ke sath Rakhe hue hain lekin vahan Ek bhayankar Kala Nag rahata hai . yadi Koi use markar bahar fenk De to giddh Baba ke pet ki mit Jayegi aur Hamen Maya ke saat ghade mil Jaenge . Budha hone ki vajah se ye Apna Bharan poshan nahin kar pa Raha he. Isliye wo Humse madad mang raha he.

Natthuram : lekin is baat karne kya bharosha ki ye sach bol raha he .

Laxmi : papa ye sach bole ya jhoot isse Hume kya hame to iski madad karni chahiye.
Maine panchayat me bhi apne baare me Kuchh nahi kahan jabki nadi me huaa ye tha ki jab me raja ki lash se moti nikalne me asamarth  rahi to maine apne daaton ka istmaal kiya usi samay Kisi ne mujhe dekh Liya or gav me charcha ho gai. Lekin sach Kisi ko bhi nahi malum.  Wo moti maine ghar ke andar wale kamre ki aalmari me rahe he.  Moti ke baare me mujhe ek kouve  ne bataya tha .

Shahukar : Thik ke bahun hum kosish karte he .
ab sochne ki baat he ki us bhayankar naag ko mara kaise jaye ? Bahut sochne ke baad unhe ek tarkeeb  suji kyun na yahan ubalta huaa paani daal diya jaye .
Natthuram or Ramjilal gav se paani garam karne ka saman  lakdi aadi  le Aate he . Paani ko khoob garam kiya jata he . Or ubalta huaa paani naag ke bill me daal dete he. Thodi hi der me bhayankar Kala naag wahan se foonkarta huaa bahar niklta he or tadap tadap kar mar jata he. Sarp ke marne ke baad dono us bill ki khudai karte he . 8 se 10 feet niche khodne ke baad aakhir unhe wo Maya ke ghade   mil hi jaate he.  Dono mitron main Maya ka barabar barabar batwara hota he. Shahukar ke to jaise bhag hi khul gaye ?

Shahukar : main kitna bhagyshali hun jiske ghar par aisi bahu ka waash he. ye sirf naam ki hi nahi  ye wakai sakchhat Maan laxmi  he. Or main aaj ise wapas bhej raha tha .

Ramjilal ka ameer hona.

       Ab teeno apne apne ghar jate he . Natthuram wapas apni Beti ke ghar jata ke . Shahukar fir se panchayat me gav walon ko bulwakar sari sachhai ko batata he. Vikram bhi gav walon ke samne laxmi ko apni patni swikarta he or dosron ki baaton me  aakar bina soche samajhe usne jo kadam uthaya uske liye sharminda rahta he.

Ab shahukar uske gav aas padhosh ke gav me abase bade aadmiyon  me ek tha . Usne Apne hi gav me ek mata laxmi ke mandi ki ek sthapna bhi kar di . To ye thi hamari ” Ek jeet our sachhai ki Kahani” .

Mitron kaisi lagi hamari “Ek jeet our sachhai ki kahani” Hume comments me jarur bataiye . Aaisi hi introduction majhedar kahaniyan main Aaye Din aapke liye late rahta hun . Hamare sath hamesha judhe rahne ke liye hamari website ke email Subscribe wale botton ko apne email  se subscribe kijiye . Or bane rahiye hamare sath hamesa. Apna kinti samay dene ke liye dhanywad..
Ek jeet our sachhai ki Kahani

एक जीत और सच्चाई की कहानी । ek jeet our sachhai ki kahani |Tec India Sandeep |Shahukar ki bahu

Sach aapka wo  Wahan hai,

                    Jo apni Sawari ko Kabhi ,

      Kisi Ke Samne Girne Nahin deta…..

2 thoughts on “एक और जीत सच्चाई की| ek jeet our sachhai ki kahani |Shahukar ki bahu”

Leave a Comment

error: Content is protected !!